關於 //好Confused的英人打招呼方式
香港式Say Hi Bye，一句Hello / Bye Bye搞掂，最多揮揮手，3秒入正題或閃人。初嚟到好唔習慣，知道揮手唔能夠滿足佢地嘅熱情，咁到底識新朋友應該握手定擁抱，定同我空氣式親吻？
初到步時我很被動，見面、說再見時會不自覺緊張尷尬起上來，敵不動我不動，見對面方好似想出伸手出黎...咦咪住，佢好似仲成個人傾前喎... 就好似肥仔著泳褲企喺一班同學面前，唔敢亂郁。
後來稍稍習慣了，新相識的大多握握手，做個好朋友。唯獨女生與女生之間有點複雜，很多女的第一次見面都很熱情地擁抱我，甚至面貼面 (臉紅OS：他們真的超熱情的)。相識久了就變成擁抱。
另外，很常見面的，見面時不一定會擁抱；但很久沒見的一定會來一個擁抱式Hello；但，無論常見或不常見，說再見一定會來一個隆重式ByeBye，因為英國地方大，大家住在不同城市，不知道下次幾時再見面！
很複雜對不對？到現在我還未完全參透到英人打招呼模式，不過就學識睇餸食飯，如果對方伸手兼向前傾，就上啦。對於見得多的朋友，都會自動伸隻手出嚟先給對方一個擁抱，唔駛估估下。
話說我娘親小紅來英國探我3星期，一位中位的香港婦女由「你做乜L嘢攬我」，到臨走一日主動擁抱我同男友，同男友媽媽。天啊我媽被融化了!! 女兒好驕傲喔 (拭淚)。
Search